العدسات الاصقه والمكياج

العدسات الاصقه والمكياج

انا قرأت كتير فى منتديات كثيرة عن موضوع العدسات والمكياج

والمعروف ان كتير اوى من البنات بتلبس عدسات نظر

بسبب ضعف نظرها

بس للاسف العدسات دى بتاثر جامد على قرنيه العين

وبتسبب التهاب فيها وبتخليها معظم الوقت حمراء وطبعا

كلنا بنحب المكياج وتلاقى البنت حطه ميكب حلو اوى

بس العدسات مبهدله عنيها ومخليها مش قادرة تفتحها

فالنصيحه للبنات اللى بتلبس عدسات

وبتحط مكياج انها تستعمل

الميك اب الكريمى
علشان الميك اب البودرة بيكون سهل اوى

انه يتساقط على العين وده اكيد بيخليها تحتك بالعدسات

اللى بنكون لبسنها وهتلاقى على طول عنيكى بقت حمراء

والميكب اتبهدل والدنيا كلها هتبوظ وبردوا حطى كونسيلر

او كريم اساس السائل وبردوا استخدمى البودرة المضغوطه حول العين

ولازم تستخدمى المسكارا والايلينر المقاوم للماء علشان الجو

الصبح بيكون حار جدا وده هياثر على عنينا وهنعرق

وهيسيح فى عينينا وممكن العدسات تخلى عنينا تدمع فاحنا

لازم نكون حاطين حاجه مقاوه للميه

والمشكله الكبيرة اللى كل الناس بتوقع فيها انها بتحط

العدسات وبعدين تحط المكياج وده غلط جدا جدا جدا

لازم تحطى الميكب وبعدها العدسات
يارب اكون قدرت افيدكوا